Хитой шарқидаги Анхой провинциясида бортида йўловчилар бўлган самолёт ҳалокатга учради. Бу ҳақда “Пенпай” ахборот портали маълум қилди.

Унга кўра, авиафалокат 1-октябр куни содир бўлган. Самолёт Анхой Жинйинг (“Анхой Олтин бургути”) авиаклубига тегишли экани хабар қилинмоқда.

Ҳозирда ҳалок бўлганлар ва жароҳат олганлар ҳақидаги маълумотларга аниқлик киритилмоқда. Ҳодиса юзасидан тергов ҳаракатлари бошланган.

19 август куни Лхаса—Шанхай йўналиши бўйича парвоз қилаётган самолётда йўловчининг повербанки (зарядловчи қурилма) ёниб кетгани сабаб экипаж самолётни фавқулодда қўндиришга мажбур бўлганди.