Норвегия 3-октябрдан бошлаб Россия давлат рақамларига эга автомобилларни мамлакатга олиб киришни тақиқлайди, деб хабар қилди қироллик Ташқи ишлар вазирлиги.
Чеклов тўққиз нафаргача йўловчи сиғимига эга енгил автомобилларга нисбатан қўлланади.
“Чегарани, масалан, микроавтобуслар ва автобуслар орқали кесиб ўтиш мумкин”, — дейилади хабарда.
Шу билан бирга, Норвегия фуқаролари ёки Европа иқтисодий ҳудуди давлатларининг Россияда доимий яшовчи фуқаролари ва уларнинг қариндошларига тегишли автомобиллар учун ҳам истисно жорий қилинган. Бундан ташқари, чекловлар дипломатик транспорт ва халқаро ташкилотларга тегишли транспорт воситаларига тааллуқли эмас. Гуманитар сабаблар билан ҳам истиснолар бўлиши мумкин, деб аниқлик киритди вазирлик.
2023 йил сентябрь ойи бошида Еврокомиссия Европа Иттифоқига аъзо давлатлар Россиядан товарлар, жумладан, автомобилларни олиб киришга тақиқни қандай қўллаш кераклиги ҳақида тушунтиришлар берди. Шундан сўнг, Латвия, Литва, Эстония, Польша ва Финляндия Россия давлат рақамларига эга автомобилларни ўз ҳудудига киришини тақиқлади.
Изоҳ (0)