Ла Лига. “Реал” сафарда “Жирона”ни йирик ҳисобда мағлуб этди (видео)

Футбол бўйича Испания Ла Лигасининг 8-турида “Реал” ва “Жирона” жамоалари 30 сентябрь, шанба куни бўлиб ўтди.

Учрашувнинг 17-дақиқасида Жуд Беллингҳемнинг узатмасини Хоселу голга айлантирди. Орадан 4 дақиқа ўтиб, Тчуамени ҳисобни ишончли кўринишга олиб келди.

Иккинчи бўлимда ҳам мадридликларнинг устунлиги давом эттирилди ва яна бир бор “Жирона” дарвозаси ишғол қилди. Бу сафар Жуд Беллингҳем ўз ҳисобига гол ёздириб қўйди.

Учрашув сўнгида Начо қизил карточка олиб, майдонни тарк этди. 

Карло Анчелотти шогирдлари ушбу ғалабадан сўнг очколари сонини 21 тага етказиб олди ва мусобақа пешқадамига айланди. “Жирона” 19 очко билан 3-ўринга тушди. 

Ла Лига

8-тур баҳси

30 сентябрь, шанба

“Жирона” – “Реал” 0:3

Голлар: 0:1 – 17 Хоселу, 0:2 – 21 Тчуамени, 0:3 – 71 Беллингҳем.

“Жирона”: Гассанига, Ян Коуто, Блинд, Эрик Гарсия, Мигел Гутеррес, Давид Лопес (Порту, 60), Алеиш Гарсия, Эррера, Сиганков (Фернандес, 46), Довбик (Стуани, 60), Савио (Торре, 79).

“Реал Мадрид”: Аррисабалага, Карвахаль, Начо, Рюдигер, Камавинга, Кроос, Вальверде, Тчуамени, Беллингҳем (Себальос, 74), Винисиус Жуниор (Родриго, 68), Хоселу.

Огоҳлантиришлар: Эрик Гарсия (64), Начо (90+3), Рюдигер (90+5), Стуани (90+6).

Четлатиш: Начо (90+4)