Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бошлиғи ўринбосари Жуманиёзов Улуғбек 43 ёшида вафот этди. Бу ҳақда ССВ ҳузуридаги “Фармацевтика маҳсулотлари хавфсизлиги маркази” Давлат муассасаси ахборот хизмати хабар берди.
Маълум қилинишича, Улуғбек Жуманиёзов 1980 йил 15-сентябр Хоразм вилоятида туғилган. 2003 йил Тошкент фармацевтика институтини тамомлаган.
Меҳнат фаолиятини “Садкем” МЧЖ дорихонасида провизор ёрдамчиси сифатида бошлаб, қатор тизим муассасаларида масъулиятли лавозимларда ишлаган. Жумладан, Чилонзор тумани тиббиёт бирлашмаси бош провизори, ССВ Назорат инспекцияси Тошкент вилояти бўйича бош назоратчи, Фармацевтика тармоғини ривожлантириш агентлиги Тошкент шаҳар бошқармаси бошлиғи, Фармацевтика маҳсулотлари хавфсизлиги маркази Фармацевтика фаолиятини лицензиялаш бошқармаси бошлиғи ўринбосари каби лавозимларда самарали фаолият юритган.
Изоҳ (0)