Бундеслига. “Бавария” сафарда “Лейпциг” билан дуранг ўйнади

Футбол бўйича Германия Бундеслигасининг 6-турида “Бавария” ва “Лейпциг” 30 сентябрь, шанба куни ўзаро баҳс олиб борди.

Учрашувнинг дастлабки 30 дақиқасида “Лейпциг” 2 та гол уриб, ҳисобда олдинга чиқиб олди. Мезбонлар сафида Луис Openда ва Кастелло Лукеба ўз ҳисобига гол ёздириб қўйди. 

Иккинчи бўлимда эса мюнхенликлар ҳисобни қисқартирди. 57-дақиқада Ҳарри Кейн пенальтини аниқ амалга оширди. 70-дақиқада Лерой Сане Мусиаланинг узатмасидан сўнг мувозанатни тиклади. Қолган дақиқаларда дарвозалар ишғол этилмади ва жамоалар дуранг натижа қайд этди.

Турнир жадвалида “Бавария” 14 очко билан 3-ўриндан, “Лейпциг” 13 очко билан 5-поғонадан жой олган. 

Бундеслига

6-тур баҳси

30 сентябрь, шанба

“Лейпциг” – “Бавария” 2:2

Голлар: 1:0 – 20 Oпенда, 2:0 – 26 Лукеба, 2:1 – 57 Кейн (пенальти), 2:2 – 70 Сане.

“Лейпциг”: Бласвих, Хенрихс (Клостерманн, 87), Лукеба, Симакан, Раум, Кампл (Зайвалд, 64), Форсберг (Баумгартнер, 72), Шлагер, Симонс, Поулсен (Шешко, 72), Oпенда (Карвалю, 86).

“Бавария”: Ульрайх, Упамекано, Ким Мин Чже, Дэвис, Горетцка (Геррейру, 46), Киммих, Лаймер, Коман (Тел, 46), Сане, Мусиала (Шупо-Мотинг, 87), Кейн.

Огоҳлантиришлар: Кейн (38), Ульрайх (44), Упамекано (51), Симакан (54), Лукеба (64), Мусиала (72), Тел (81).