Экотизим ва университет ҳамкорлик ва ўзаро ҳамжиҳатлик меморандумини имзоладилар.
2023 йил 26-сентябрда Тошкентдаги Инҳа университети ректори Музаффар Жалолов ва Узум операцион директори Роман Лаврентиев ҳамкорлик меморандумини имзоладилар. Узум миллий экотизими ва мамлакатнинг етакчи университетларидан бири мутахассислар тайёрлаш ва қўшма таълим дастурларини ишлаб чиқиш, университет талабалари ва ходимлари учун маърузалар ва семинарлар ўтказиш бўйича тажриба алмашишни режалаштирмоқда.
— Биз Инҳа талабаларини ўқув жараёнига етакчи миллий ва жаҳон компанияларини жалб қилишга интиламиз, чунки бозорда талаб юқори бўлган мутахассисларни фақат шу тарзда тайёрлаш мумкин, — дея изоҳ берди Тошкентдаги Инҳа университети ректори Музаффар Жалолов. — Биз ҳамкорларимиз орасида Узум — кўплаб талабаларимиз орзу қилган иш берувчи эканлигидан фахрланамиз.
— Узум янги бошланаётган мутахассисларни фаол қўллаб-қувватламоқда: ҳамкасбларимиз хакатонларда ментор бўлиб, бугунги кунда бутун мамлакат бўйлаб 100 дан ортиқ киши IT-академиямиз доирасида курслардан ўтишмоқда, — дейди Узум операцион директори Роман Лаврентиев. — Инҳа университетида биз кўплаб иқтидорли талабаларни кўриб турибмиз ва улар Узум жамоасининг бир қисми бўлишидан хурсанд бўламиз. Ахир, кучли жамоасиз кенг кўламли лойиҳаларни амалга ошириш мумкин эмас ва биз унинг ривожланишига сармоя киритишга тайёрмиз.
Университет талабалари билан учрашув доирасида Роман Лаврентиев IT дунёси ва Узум экотизими ёш мутахассислар учун қандай истиқболларни очиб бераётгани, янги рақамли маҳсулотлар қандай яратилаётгани, ўз стартапини очиш учун ғояни қандай топиш ва синаб кўриш ҳақида сўзлаб берди, шунингдек, талабаларнинг саволларига жавоб берди.
Шериклик ҳуқуқи асосида.
Изоҳ (0)