Тошкент шаҳрининг Сергели туманидаги “Қурувчилар” даҳасида жойлашган Inter Logistics МЧЖга қарашли омборхонада кучли портлаш содир бўлгани тўғрисида хабар берилганди. Ҳодиса жойига етиб борган “Дарё” мухбирига кўра, ҳозирда ҳудудда портлаш оқибатларини бартараф этиш ишлари амалга оширилмоқда.
Портлашдан сўнг кучли ёнғин рўй берган, у ҳалигача тўлиқ ўчирилмаган. Портлаш тўлқини кўп қаватли уйлардаги ўнлаб хонадонларнинг ойналарини синдирган.
.jpg)
Воқеа жойида кўплаб ҳуқуқ-тартибот идоралари ходимлари ва махсус хизматлар бўлиб турибди. Омборхонада содир бўлган ёнғинни ўчиришга Мудофаа вазирлиги вертолёти жалб этилган. Воқеа жойига Ўзбекистон бош вазири Абдулла Арипов ҳам етиб келган. Айни вақтда етказилган зарар ва жабрланганлар сони аниқланмоқда.
.jpg)
.jpg)
Тошкент ҳокимлиги Сергелидаги портлаш бўйича вазият тўлиқ назоратга олинганини маълум қилди. Тошкент шаҳар ҳокими вазифасини бажарувчи Шавкат Умурзоқовнинг қайд этишича, портлашда жабрланган уй эгаларига етказилган зарар қопланади.
- Соғлиқни сақлаш вазирлининг маълум қилишича, портлаш оқибатида жароҳатланганлар Республика шошилинч тиббий ёрдам илмий маркази ва унинг Тошкент вилояти филиалига олиб келинган.
- Uzbekistan Airports га кўра, Тошкентдаги портлаш пойтахт аэропорти фаолиятига таъсир қилмаган.
- Воқеа пойтахт аэропорти фаолиятига таъсир кўрсатмаган, “Тошкент” халқаро аэропорти чекловларсиз одатий режимда ишламоқда.
Изоҳ (0)