Жалолиддин Машарипов фаолиятини Грецияда давом эттиради.

Ўзбекистонлик футболчи “Пансеррайкос” жамоаси билан бир йиллик шартнома имзолади. Бу ҳақида клуб расмий сайти маълум қилди. 

“Пансеррайкос” жорий мавсум Греция чемпионатида ортда қолган 6 турдан сўнг 6 очко билан 8-ўринда бормоқда. “Пансеррайкос” Грециянинг тарихий жамоаларидан бири бўлиб, 1964 йилда ташкил топган. 

1992 йилдан бошлаб, мунтазам равишда иккинчи дивизионда иштирок этиб келган. 2008 ва 2010 йилларда эса Олий лигага чиққан фақатгина бир мавсум ҳаракат қилишга муваффақ бўлган. 2009 йилда “Олимпия” стадионида “Панатинайкос”ни мағлуб этган ва ўз тарихида илк бор Греция Кубоги ярим финалига йўл олган. 1/2 финалда эса “АЭК” зафар қучиб, финалга йўл олган. 

Жалолиддин Машарипов август ойида “Ан-Насср”ни эркин агент сифатида тарк этганди. Ўзбекистонлик футболчи 2021 йилдан 2023 йилга қадар Саудия клуби шарафини ҳимоя қилган. Машарипов фаолияти давомида “Ан-Насср”дан ташқари “Пахтакор”, “Локомотив”, “Шабоб ал-Аҳли” каби жамоалар шарафини ҳимоя қилган.