Молдованинг Каушан вилоятидаги Фарладан қишлоғи яқинидаги кўлда ракета қолдиқлари топилди. Бу ҳақда Молдова Ички ишлар вазирлиги хабар берди.
.jpg)
Маҳаллий аҳоли кўлга қулаган ракетанинг бир нечта қисмларини топган. Расмийлар қолдиқлар ҳақиқатан ҳам ракетаники эканини тасдиқлаган ва мутахассислар ҳозирда ракетанинг тури ва келиб чиқишини ўрганмоқда. Фарладан қишлоғи Украина билан чегарадан атиги 40 километр узоқликда жойлашган.
Кўл ва қишлоқ ҳудудида қўшимча хавфсизлик чоралари кўрилган, чунки қулаган ракетанинг портловчи моддалари кўл тубида бўлиши мумкин.
Ҳудуд ҳозирда ўраб олинган ва фуқаролар учун ёпиқ, полиция эса воқеа жойида хавфсизликни таъминламоқда. Қолдиқларни ва эҳтимолий портловчи қисмларни қидиришда полиция, қутқарувчилар, ҳарбий ва чегара полицияси иштирок этмоқда.
Иш 27-сентябр куни бошланган ва ҳозиргача давом этмоқда. Воқеа жойига Молдова ички ишлар вазири Адриан Эфрос ҳам етиб келган. Ҳозирда аҳоли учун ҳеч қандай хавф йўқ, чунки ҳудуд изоляция қилинган ва энг яқин турар жой бинолари хавфли ҳудуддан 1 километр узоқликда жойлашган.
Изоҳ (0)