Ла Лига. “Реал” ўз майдонида “Лас-Палмас” устидан ишончли ғалабани қўлга киритди (видео)

Футбол бўйича Испания Ла Лигасининг 7-турида “Реал” ва “Лас-Палмас” жамоалари 27 сентябрь, чоршанба куни ўзаро баҳс олиб борди.

Биринчи бўлим сўнгида Браим Диас рақиб дарвозасини ишғол қилиб, ҳисобни очди. Иккинчи бўлимда ҳам мадридликлар фаоллигини кўрсатди ва яна бир бор дарвозага йўл топди. Бу сафар Родриго қанотдан ажойиб юриш амалга ошириб, тўпни жарима майдонига узатди. Хоселу эса бош билан гол урди.

Қолган дақиқаларда гол урилмади ва мадридликлар ғалабани расмийлаштириб, 18 очко билан 2-ўринга кўтарилиб олди.

Ла Лига

7-тур баҳси

27 сентябрь, чоршанба

“Реал” – “Лас-Палмас” 2:0

Голлар: 1:0 – 45 Браим Диас, 2:0 – 54 Хоселу.

“Реал Мадрид”: Аррисабалага, Начо, Алаба (Васкес, 41), Рюдигер, Менди (Фран Гарсия, 77), Вальверде, Браим Диас (Себальос, 57), Тчуамени, Камавинга (Кроос, 77), Родриго, Хоселу (Винисиус Жуниор, 57).

“Лас-Палмас”: Валес, Араухо, Курбело, Коко, Синкгравен (Кардона, 46), Виэра (Перроне, 77), Хави Муньос (Луаодис, 77), Мфулу (Родригес, 46), Мунир, Каба (Марвин, 57), Эррера.

Огоҳлантиришлар: Коко (79).