Австралияда селфига тушмоқчи бўлган қиз 50 метр баландликдаги қоядан тушиб кетди. Бу ҳақда ABCnews хабар берди.
Полиция маълумотларига кўра, 22 ёшли сайёҳ тез тиббий ёрдам авиациясида касалхонага етказилган. Қиз дўстлари билан бирга бўлган, улар қоядан тушиб, тез ёрдам чақиришга муваффақ бўлган.
Басс-Кост полицияси инспектори Дейв Файфнинг айтишича, аёлнинг жароҳатлари ҳаёти учун хавф туғдирмайди, бироқ бир нечта жиддий синишлар бўлган.
“У пиёда йўлдан чиқиб кетиб, афсуски, қоядан тушиб кетган”, — деди у.
Инспекторнинг қайд этишича, тегишли ҳодиса одамларга, айниқса, сайёҳларга очиқ ҳавода эҳтиёт бўлиш кераклигини эслатиб туради. Расмийлар одамларни янада эҳтиёткор бўлишга ва пиёдалар йўлига қатъий риоя қилишга чақирмоқда.
Изоҳ (0)