Ханчжоу—2022. Улуғбек Рашитовда олтин, Феруза Содиқовада кумуш медал, шахматчилар ҳам ғалабали юришини давом эттирмоқда

Ханчжоу—2022 ХIX ёзги Осиё ўйинлари 27 сентябрь, чоршанба куни давом эттирилмоқда.

Таэквондо баҳсларида Улуғбек Рашитов (-68 кг) иорданиялик Карим Заидни мағлуб этиб, олтин медалга сазовор бўлди. 

Таэквондо баҳсларида Феруза Содиқова -67 кг вазн тоифасида кумуш медални қўлга киритди. Финалда хитойлик Жи Сонг Ферузадан устун келди ва Содиқова мусобақани иккинчи ўринда якунлади.

Шахмат баҳсларида 8-тур якунланди. Эркаклар ўртасида медалларга даъвогар Нодирбек Абдусатторов ҳамда Жавоҳир Синдоров, қизлардан Умида Омонова ўз партияларида ғалаба қозонди. Олдинда охирги тур. Ҳозирча Нодирбек ва Умида иккинчи, Жавоҳир бешинчи поғонада турибди.

8-тур натижалари:

Нодирбек Абдусатторов 1 - 0 Аржун Эригаиси (Ҳиндистон)
Жавоҳир Синдоров 1 - 0 Сиангжи Бу (Хитой)
Мобина Алинасабаламдари (Эрон) 1 - 0 Нилуфар Ёқуббоева 
Жансая Абдумалик (Қозоғистон) 0 - 1 Умида Омонова.