Номаълум шахслар Севилья четидаги Серхио Рамоснинг уйини талон-тарож қилди.
Воқеа 20 сентябрь куни, Чемпионлар Лигаси доирасида “Севилья” ва “Ланс” учрашуви (1:1) бўлиб ўтган кунда содир бўлган.
Босқинчилар уйга Рамоснинг тўрт нафар фарзанди ва икки нафар тарбиячи бўлган вақтда кириб борган. Футболчининг ўзи майдонда, рафиқаси эса иш билан шаҳарни тарк этганди. Босқинчилар томонидан етказилган зарар миқдори аниқланмаган, болалар ва тарбиячиларга эса зарар етмаган.
Қайд этилишича, бу Рамоснинг уйини ўғирлаш учун бўлган биринчи уриниш эмас. 2012 йилда испаниялик футболчи ва унинг рафиқаси уйда бўлган вақтда босқинчилар уйга бостириб кирган. Бироқ, жиноятчилар уйдан ҳеч нарса олиб кетолмаган.