Ҳиндистоннинг IndiGo авиакомпанияси йўловчиси руҳий тушкунлик туфайли учиб кетаётган самолётнинг фавқулодда эшигини очиб, ундан сакрашга уринди. Бу ҳақда The New York Post хабар берди.
Ҳодиса Ҳиндистонда Гуваҳатидан Агарталага учаётган самолётда содир бўлган. Парвоз вақтида 41 ёшли Бисваджит Дебнатх тўсатдан ўрнидан турган ва фавқулодда чиқиш эшигини очишга кетган.
Буни кўрган йўловчилар ва экипаж аъзолари уни тўхтатишга шошилган, бироқ эркак қаршилик кўрсатган. Йўловчилар стюардессаларга самолёт хавфсиз қўнгунча уни ушлаб туришга ёрдам берган. Белгиланган манзилга етиб келгач, ҳиндистонлик эркак полиция томонидан ҳибсга олинган.
Маълум бўлишича, Дебнатх узоқ вақтдан бери депрессия билан курашиб келади. Ҳозирда у парвоз давомида 180 дан ортиқ йўловчи ҳаётини хавф остига қўйиш ва экипаж аъзоларига ҳужум қилганликда айбланмоқда.
Изоҳ (0)