Россия Украинага зарба беришда фойдаланаётган Эрон камикадзе дронлари Европа қисмларидан ишлаб чиқарилган. Бу ҳақда Украина расмийлари ҳисоботига таяниб, Тhе Guardian хабар берди.
Ҳисоботга кўра, Shahed-131 ва Shahed-136 дронларида Ғарб компаниялари томонидан ишлаб чиқарилган 50 дан ортиқ компонент мавжуд. Тахминларга кўра, ишлаб чиқарувчилар орасида АҚШ, Германия, Канада ва Польша компаниялари бор. Шу билан бирга, уларнинг кўпчилиги урушни қоралаб, Россия билан бевосита ҳамкорликни тўхтатган. Бироқ баъзи эҳтиёт қисмларни чакана сотувчилардан эркин харид қилиш мумкин.
Таъкидланишича, Эронга эҳтиёт қисмлар импортининг катта қисми Туркия, Ҳиндистон, Қозоғистон, Ўзбекистон, Вьетнам ва Коста-Рикадан келади. Ҳужжатда, шунингдек, Эрон дронларини ишлаб чиқариш босқичма-босқич Россияга ўтаётгани қайд этилган. Гарчи Теҳрон ҳали ҳам дронлар учун бутловчи қисмларни етказиб беради.
“Бунга қарши чора сифатида Украина иттифоқчиларига ушбу дронлар йиғиладиган заводларга — Эрон, Сурия ва Россиядаги потенсиал йиғиш объектларига ракета ҳужумларини кўриб чиқишни таклиф қилган”, — дейилади хабарда.
Изоҳ (0)