АҚШ президенти Жо Байденнинг ити Коммандер Оқ уйда Махфий хизмат агентини тишлаб олди, деб хабар бермоқда CNN. Бу немис овчаркасининг тишлаши билан боғлиқ оммага маълум 11-ҳолат.
АҚШ Махфий хизматининг алоқа бўлими бошлиғи Энтони Гулелмининг сўзларига кўра, 25-сентябр куни махсус хизмат аъзоси Байденлар оиласининг “ити билан ўйнаган”, шундан сўнг ит уни тишлаб олган.
“Офицерга кенг қамровли тиббий ёрдам кўрсатилди”, — дея қўшимча қилди у.
Махфий хизмат электрон қайдлари ва CNN маълумотларига кўра, Коммандер Оқ уй ва Делаверда камида 11 марта одамларни тишлаб олган, жумладан 2022 йил ноябрь ойида ит бир офицернинг қўллари ва сонидан тишлаганидан кейин у касалхонага ётқизилган.
The New York Post нашрининг хабар беришича, ит 2022 йилнинг октябридан 2023 йилнинг январигача тўрт ой ичида камида етти кишини тишлаган, жумладан, Оқ уйда хавфсизликни таъминлайдиган Махфий хизматнинг бир неча агентларида итнинг агрессияси ҳақида саволлар туғилган.
АҚШ биринчи хоними Жилл Байденнинг матбуот котиби Элизабет Александрнинг айтишича, ушбу эпизодлардан сўнг президент оиласи итни тез-тез боғлаб қўйишни, қўшимча машғулотлар билан шуғулланиш ва ит югурадиган майдонларни чеклашни бошлади.
Байденнинг бошқа ити Майор ҳам Оқ уйда одамларни тишлаган. Бироқ ит кейинчалик оиланинг дўстларига бериб юборилган. Коммандер Оқ уйга 2021 йилда келтирилган.
Изоҳ (0)