Наманган вилоятининг Чуст туманида доридан заҳарлангани тахмин қилиниб, шифохонага ётқизилган болаларнинг барчаси соғайиб, уйига қайтган. Бу ҳақда соғлиқни сақлаш вазири Амрилло Иноятов журналист ва блогерлар билан мулоқотида маълум қилди.
Наманганда заҳарлангани айтилган болаларнинг барчаси соғайиб, бугунги кунда уйига қайтарилган. Ҳеч бир боланинг аҳволи оғир эмас, — деди вазир Амрилло Иноятов.
Вазирнинг билдиришича, Наманганда болаларнинг оммавий заҳарланиши билан боғлиқ ҳолат тўлиқ ўрганиб чиқилган. Тез орада ОАВ вакилларини қизиқтирган барча саволларга жавоб берилади.
Наманганда касалланиш ҳолати билан боғлиқ 450 та мурожаат келиб тушган. Уларнинг энг кўпи — 306 таси Чуст туманига тўғри келганди.
Изоҳ (0)