Украина биринчи хоними Елена Зеленская эри, президент Владимир Зеленскийнинг иккинчи муддатга қайта сайланиш имкониятини баҳолади. Бу ҳақда у Тhe Hill нашрига маълум қилди.
Елена Зеленскаяга кўра, эри биринчи марта Украина президентлигига номзодини қўйганида, уни тўлиқ қўллаб-қувватламаган.
“Биласизми, у биринчи марта сайловда қатнашганида, уни тўлиқ қўллаб-қувватламадим. Лекин у яна иккинчи муддатга қайта номзодини қўйса, буни зарур деб ҳисобласа, яхши, бизда маълум тажрибалар бор, у ерда бўлганмиз. Бу биринчи марта бўлгани каби қўрқинчли бўлмайди”, — деди у.
Украинанинг биринчи хоними, шунингдек, эрининг бу борадаги қарори қандай бўлишини билмаслигини айтди.
“Бу жамиятимиз унга президент сифатида керакми-йўқлигига ҳам боғлиқ бўлади. Агар у Украина жамияти унинг президент бўлишини хоҳламаслигини ҳис қилса, эҳтимол, у номзодини қўймайди”, — дея қўшимча қилди Зеленская.
Изоҳ (0)