Лига 1. “ПСЖ” ўз майдонида “Марсель”ни тор-мор этди (видео)

Футбол бўйича Франция чемпионатининг 6-турида “ПСЖ” 24 сентябрь, якшанба куни “Марсель”га қарши баҳс олиб борди.

Учрашувнинг 8-дақиқасида Ашраф Ҳакими жарима зарбасидан гол уриб, ҳисобни очди. 32-дақиқада Килиан Мбаппе жароҳат олиб, майдонни тарк этди. Унинг ўрнини Гонсалу Рамуш эгаллади. 37-дақиқада Коло-Муани ҳисобни ишончли кўринишга олиб келди.

Иккинчи бўлим ҳам парижликларнинг босими остида бошланди. 47-дақиқада Мбаппенинг ўрнига тушган Рамуш гол урди. 89-дақиқада Гонсалу дублни расмийлаштирди ва жамоасининг йирик ғалабасига ҳисса қўшди. 

Париж клуби очколари сонини 11 тага етказди ва 3-ўринга кўтарилиб олди. 

Лига 1

5-тур баҳси

24 сентябрь, якшанба

“ПСЖ” – “Марсель” 4:0

Голлар: 1:0 – 8 Ҳакими, 2:0 – 37 Коло-Муани, 3:0 – 47 Гонсалу Рамуш, 4:0 – 89 Гонсалу Рамуш.

“ПСЖ”: Доннарумма, Ҳакими (Мукиэле, 83), Маркиньос, Шкриньяр, Эрнандес (Данилу Перейра, 69), Угарте, Заир-Эмери, Дембеле (Фабиан Руис, 69), Мбаппе (Гонсалу Рамуш, 32), Коло-Муани, Барколя (Солер, 83).

“Марсель”: Лопес, Клосс (Надир, 84), Мбемба, Жиго, Балерди (Меите, 83), Лоди, Верету, Ронже, Унаи (Ҳарит, 46), Обамеянг (Корреа, 75), Витиня (Ндиай, 46).

Оголантиришлар: Жиго (73), Верету (82), Лоди (85).