Футбол бўйича Италия А Сериясининг 5-туридан ўрин олган ўйинлар 23 сентябрь, шанба куни бўлиб ўтди.
“Милан” ўз майдонида “Верона” билан баҳс олиб борди. Учрашувнинг 8-дақиқасида Рафаэл Леау рақиб дарвозасини ишғол қилди. Ушбу гол ўйин якунига қадар ягоналигича қолди ва миланликларга ғалаба келтирди.
“Россонери” очколари сонини 12 тага етказиб, 2-ўринга кўтарилиб олди.
“Ювентус” сафарда “Сассуоло” меҳмони бўлди. Ўйиннинг 12-дақиқасида Лорянте ҳисобни очди. 21-дақиқада Виня ўз дарвозасини ишғол қилиб қўйди. 41-дақиқада Берарди яна бир бор “Сассуоло”ни ҳисобда олдинга олиб чиқди. 78-дақиқада Кьеза мувозанатни тиклади. Орадан 4 дақиқа ўтиб, Пинамонти мезбонларнинг учинчи голини урди. 90-дақиқада эса Гатти автогол уриб, “Сассуоло”нинг 4:2 ҳисобидаги ғалабасига ҳисса қўшди.
“Сассуоло” ғалабадан сўнг очколари сонини 6 тага етказиб, 11-ўринни эгаллади. Туринликлар эса 10 очко билан 4-поғонани банд этган.
А Серия
5-тур баҳслари
23 сентябрь, шанба
“Милан” – “Верона” 1:0
Гол: 1:0 – 8 Рафаэл Леау.
“Милан”: Спортелло, Тиав, Кер, Томори, Флоренси (Бартезаги, 75), Крунич (Лофтус-Чик, 65), Пулишич (Побега, 80), Рейндерс, Муса, Рафаэл Леау (Окафор, 80), Жиру (Йович, 65).
“Верона”: Монтипо, Фараони (Бонассоли, 46), Давидович, Маняни, Хин, Терраччано (Журич, 89), Дуда (Сапонара, 70), Онгла, Фолоруншо, Лазович (Кабал, 70), Нгонж (Суслов, 80).
Огоҳлантиришлар: Тиав (24), Фараони (42), Бонассоли (55), Муса (58), Пулишич (76), Флоренси (89).
“Сассуоло” – “Ювентус” 4:2
Голлар: 1:0 – 12 Лорянте, 1:1 – 21 Виня (автогол), 2:1 – 41 Берарди, 2:2 – 78 Кьеза, 3:2 – 82 Пинамонти, 4:2 – 90 Гатти (автогол).
“Сассуоло”: Крано, Толян, Эрлич, Руан (Вити, 46), Виня (Ferrari, 90), Байрами (Дефрел, 85), Болока, Матеус Энрике, Берарди, Лорянте (Педерсен, 85), Пинамонти (Кастилехо, 85).
“Ювентус”: Шенсни, Данило, Бремер, Гатти, Маккенни (Веа, 60), Костич (Айлинг, 46), Рабьо, Локателли (Милик, 83), Миретти (Фажоли, 46), Кьеза, Влаҳович (Кин, 76).
Огоҳлантиришлар: Рабьо (36), Болока (51), Данило (55), Берарди (58), Виня (64), Пинамонти (83).