Бишкекда барча бекатларда кондиционер ва Wi-Fi ўрнатилади. Бу ҳақда Бишкек мери Эмилбек Абдиқодиров маълум қилди.
Амалдорга кўра, яқин вақт ичида шаҳардаги барча автобус бекатлари ягона стандарт бўйича ўзгартирилади. Айни пайтда автобус бекатларини реконструкция қилиш лойиҳасини амалга оширилмоқда. Биринчи босқичда 25 та бекат қурилади.
Ҳозирда 4 та янги таъмирдаги бекат фаолият кўрсатмоқда. Яқин кунларда яна 11 таси қурилади. Янги бекатлар ёзда салқинликни, қишда эса иссиқликни таъминлайди. Улар видеокузатув тизимлари билан жиҳозланади.
Тадбиркорлар беш йилга бекатларни ижарага олиши ва у ерда маркали савдо автоматлари ва бошқа жиҳозларни ўрнатиши мумкин. Бироқ бекатларда спиртли ичимликлар, сигареталар ва тез бузиладиган озиқ-овқат маҳсулотларини сотиш тақиқланади.
Реконструкциянинг биринчи босқичида Манас/Айтматов, Чуй проспектлари ҳамда Абдраҳмонов/Байтик Баатир кўчасидаги бекатларни янгилаш режалаштирилган.
Изоҳ (0)