Тармоқларда “Андижонда ҳам болалар боғчада заҳарлангани айтилмоқда” номли хабарлар тарқалди. Унда айтилишича, болалар боғчада заҳарланиб, шифохоналарга мурожаат қилган.
Ҳолат юзасидан Андижон вилояти соғлиқни сақлаш бошқармаси ахборот хизмати “Дарё”га изоҳ берди.
“Андижонда болалар боғчада заҳарлангани ҳақидаги хабарлар ёлғон. Шифохоналарга доридан оммавий заҳарланиш ташхиси билан мурожаатлар келиб тушгани йўқ.
Вилоятда чоршанба куни болаларга дори берилган. Балки болалар бошқа касаллик билан оғриса ҳам ота-оналар заҳарланишга гумон қилишаётган бўлиши мумкин”, – деди бошқарма масъул ходими.
Чустдаги ҳолат
Наманган вилоятининг Чуст туманидаги болалар боғчаларида тарбияланувчи болаларнинг оммавий заҳарланиши кузатилган эди. Вилоят Мактабгача ва мактаб таълими бошқармаси заҳарланган болалар сони 71 нафар эканини билдирган бўлса, Бош прокуратура Чустда Фавқулодда ҳолат эълон қилинганини инкор этганди. Соғлиқни сақлаш вазирлиги баёнотига кўра, ҳолат вазир назоратига олинган.
Изоҳ (0)