Наманган вилоятининг Чуст туманида рўй берган йўл-транспорт ҳодисаси оқибатида 5 киши ҳалок бўлди. Бу ҳақда “Дарё” мухбири Азизбек Абдувалиев хабар бермоқда.
Наманган вилоят ИИБ ЙҲХБ матбуот хизмати
Вилоят ИИБ ЙҲХБ маълумотларига кўра, Наманган—Тошкент йўналишида ҳаракатланаётган юк машинаси ҳайдовчиси эҳтиётсизлик натижасида қарама-қарши йўналишга чиқиб кетган ва Damas ҳамда Labo автомашиналари билан тўқнашган.
Damas ҳайдовчиси ва 4 нафар йўловчиси ҳодиса оқибатида олинган тан жароҳатлари туфайли ҳаётдан кўз юмган. Йўловчиларнинг бари аёллар эканлиги айтилмоқда.
.jpg?_t=1695305368)
Мазкур ҳолат юзасидан Жиноят кодексининг 266-моддаси (“Транспорт воситалари ҳаракати ёки улардан фойдаланиш хавфсизлиги қоидаларини бузиш”) билан жиноят иши қўзғатилиб, тергов ҳаракатлари олиб борилмоқда.
Изоҳ (0)