Хитойнинг Чжухай шаҳрида номаълум учар жисм (НУЖ) шаклидаги дунёдаги энг йирик ёпиқ денгиз илмий парки — Chimelong Spaceship очилди. Бу ҳақда Wеixin хабар берди.
Аквариумда 100 мингдан ортиқ денгиз ҳайвонлари яшайди. Паркнинг умумий узунлиги 650 метр, майдони эса тахминан 400 квадрат метрни ташкил қилади. Океанариум кунига 50 мингдан ортиқ меҳмонни қабул қилиши мумкин.
Унда дунёдаги энг катта аквариум дисплейи ва дунёдаги энг катта жонли маржон аквариуми, шунингдек, энг катта денгиз музейи жойлашган. 15 тематик зонага бўлинган паркда 300 га яқин денгиз ҳайвонлари, шунингдек, 100 турдаги тирик маржонлар яшайди.
Шунингдек, паркда аттракционлар мавжуд, масалан, Осиёнинг сув ресурслари ва экотизимларига бағишланган “Галактика қўриқчилари” фильми билан ўхшашликларга эга “Космос дунёси”, шунингдек, “Бермуд саргузаштлари” симулятори.
“Чимелонг”нинг очилиши 2021 йилга режалаштирилган эди, аммо 10 йиллик дизайн ва 5 йиллик қурилишдан сўнг улкан парк ўз дарвозаларини фақат 2023 йил сентябрь ойида ташриф буюрувчилар учун очди.
“Бино қурилиши Хитойдаги бошқа йирик истироҳат боғларига эгалик қилувчи Chimelong Group компаниясига 1,1 миллиард долларга тушди”, — деб ёзади Тhе Messenger.
Изоҳ (0)