Украина ҳукумати мудофаа вазирининг етти нафар ўринбосаридан олти нафарини, шунингдек, вазирликнинг давлат котибини ишдан бўшатди. Бу ҳақда халқ депутати Алексей Гончаренко хабар берди.
Вазир ўринбосарларидан Анна Маляр (у фронтдаги вазият ҳақида мунтазам равишда баёнотлар бериб турган), Владимир Гаврилов, Виталий Дейнега, Ростислав Замлинский, Денис Шарапов ва Андрей Шевченко ишдан бўшатилган. Мудофаа вазирлиги давлат котиби Константин Вашченко ҳам ишдан олинган.
Гончаренко эълон қилган рўйхатда мудофаа вазирининг биринчи ўринбосари Александр Павлюк ҳақида ҳеч нарса айтилмаган. ОАВ у ўз лавозимини сақлаб қолганини ёзмоқда.
- Сентябрь ойи бошида Владимир Зеленский Украина мудофаа вазири Алексей Резниковни ишдан бўшатганди. Унинг ўрнига Давлат мулки жамғармасининг собиқ раҳбари, Олий Рада депутати Рустем Умеров тайинланди.
- Резников деярли икки йил — 2021 йилнинг ноябридан бошлаб Украина Мудофаа вазирлиги раҳбари лавозимида ишлаган. 2023 йил 5 сентябрда Олий Рада унинг истеъфоси учун овоз берди.
Изоҳ (0)