Туркманистонда икки йиллик ҳарбий хизматга навбатдаги чақирув эълон қилинди. Президентнинг тегишли фармони маҳаллий оммавий ахборот воситаларида эълон қилинди.
Муддатли ҳарбий хизматга чақирилган кунга қадар 18 ёшга тўлган ва 27 ёшга тўлгунга қадар чақирув муддатини ортга суриш ҳуқуқидан маҳрум бўлган эркаклар 2023 йил октябрь декабрь ойларида муддатли ҳарбий хизматга чақирилади.
Туркманистонда 1995 йилдан бери ўзгармаган ҳарбий доктрина тасдиқланган, у етарли мудофаа, ижобий нейтрал сиёсат ва ҳар қандай ҳарбий-сиёсий иттифоқларда иштирок этишдан бош тортишни ўз ичига олади.
6 миллиондан ортиқ аҳолига эга Туркманистоннинг 30 минг аскардан иборат армияси бор. Туркманистон армияси Марказий Осиёнинг бешта давлати орасида Ўзбекистон ва Қозоғистондан кейин учинчи кучли армия ҳисобланади. Тегишли маълумот Global Firepower 2023 таҳлилий маркази ҳисоботида келтирилган.
Қуруқликда Туркманистон Афғонистон, Эрон, Қозоғистон ва Ўзбекистон билан чегарадош. Каспий денгизида мамлакат Озарбайжон, Эрон, Қозоғистон ва Россия билан чегарадош.
Азиз Бояров
Изоҳ (0)