Тошкент шаҳрининг икки тумани: Учтепа ва Миробод туманларида 19 сентябрь куни электр таъминоти вақтинча тўхтатилади. Бу ҳақда “Ҳудудий электр тармоқлари” АЖ Тошкент шаҳар филиали ахборот хизмати хабар берди.

Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш, куз-қиш мавсумига пухта тайёргарлик кўриш мақсадида эртага, 19-сентябр куни қуйидаги манзилларда электр таъминоти вақтинча ўчирилади:

• Учтепа тумани: “А.Қодирий” ва “Кўкча Оқтепа” МФЙларининг айрим кўчаларида соат 09:00 дан 17:00 гача;
• Миробод тумани: “Ойбек” МФЙнинг айрим кўчаларида соат  09:00 дан 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкин. “Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.