Жиззах вилоятида 18 сентябрь куни Nexia билан тўқнашган юк машинаси ёниб кетди. Бу ҳақда вилоят ИИБ ахборот хизмати хабар берди.
Унга кўра, ҳолат 18 сентябрь куни соат тахминан 16:00 лар атрофида содир бўлган. Жиззах шаҳар ҳудудидан ўтган 4Р автомобиль йўлининг биринчи километрида Hоwо русумли юк машинаси ва Nexia-2 ўртасидан тўқнашув бўлган. Ҳодиса оқибатида Nexia юк машинанинг газ баллонига урилган ва ёнғин келиб чиққан. Юк машинаси тўлиқ ёниб кетган.
Оғир тан жароҳати олганлар йўқ, бироқ Nexia-2 ҳайдовчиси ва йўловчисига биринчи тез тиббий ёрдам кўрсатилган.