Шимолий Кореянинг ядровий зарбаси мамлакатда “режимнинг тугашига” олиб келади. Бу ҳақда Корея президенти Юн Сок Ёл Associated Pressга берган интервьюсида маълум қилди.
Корея президентининг сўзларига кўра, агар Пхеньян ядро қуролидан фойдаланган ҳолда ҳужум уюштирса, Сеул ва Вашингтон жавоб чораларини кўради, бу эса “режимнинг тугатилиши”га олиб келади.
У Жанубий Корея ва Америка расмийлари КХДРдан келаётган ҳар қандай таҳдидларга жавобан биргаликда ҳаракат қилишга келишиб олганини таъкидлади.
“Мамлакатларимиз Шимолий Корея томонидан ядро қуролидан фойдаланган ҳолда ҳар қандай ҳужум режимнинг тугатилишига олиб келадиган тезкор, ҳалокатли ва қатъий жавоб берилишини тасдиқлади”, — деди Юн Сок Ёл.
Томонлар КХДРдан келаётган ҳар қандай ядровий ва ракета таҳдидларининг олдини олиш ва уларга жавоб бериш имкониятларини кучайтиришни режалаштирмоқда. АҚШ Жанубий Кореяни ҳимоя қилиш учун барча воситаларни, жумладан, ядровий қуролни ҳам ишга солишга тайёрлигини билдирди.
Изоҳ (0)