Ўзбекистон президентининг тегишли фармойишига мувофиқ, бешта вилоят судларининг раислари ўзгарди. Бу ҳақда Судьялар олий кенгаши матбуот хизмати хабар берди.

Хусусан:

• Фарходжон Ғаниев — судьялик ваколати муддати даврининг беш йил муддатига Андижон вилоят судининг раиси лавозимига тайинланди ва шу муносабат билан Андижон вилоят суди раисининг ўринбосари — жиноят ишлари бўйича судлов ҳайъати раиси лавозимидан озод этилди;
• Акрам Шукуров — судьялик ваколати муддати даврига Жиззах вилоят судининг раиси лавозимига тайинланди ва шу муносабат билан Жиззах вилоят суди раисининг ўринбосари — фуқаролик ишлари бўйича судлов ҳайъати раиси лавозимидан озод этилди.

Шунингдек:

• Учқун Рўзиев — судьялик ваколати муддати даврига Бухоро вилоят судининг раиси лавозимига (бунгача Олий суд судьяси лавозимида ишлаган);
• Акром Утаев — судьялик ваколати муддати даврининг беш йил муддатига Фарғона вилоят судининг раиси лавозимига (бунгача Олий суд судьяси лавозимида ишлаган);
• Шуҳрат Камолов — судьялик ваколати муддати даврига Хоразм вилоят судининг раиси лавозимига (бунгача Фарғона вилоят судининг раиси лавозимида ишлаган);
• Фаррух Абдураимов — судьялик ваколати муддати даврига Андижон вилоят суди раисининг ўринбосари — жиноят ишлари бўйича судлов ҳайъати раиси лавозимига (бунгача Фарғона вилоят суди судьяси лавозимида ишлаган) тайинланди.

Бундан ташқари, қуйидаги судьялар ёзма аризасига асосан лавозимидан озод этилди:

• Талъатжон Мелибоев — Андижон вилоят судининг раиси лавозимидан;
• Лукмон Кадиров — Бухоро вилоят судининг раиси лавозимидан;
• Ўткиржон Жумаев — Жиззах вилоят судининг раиси лавозимидан;
• Баҳодир Полванов — Хоразм вилоят судининг раиси лавозимидан.

Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди. 

Шунингдек, Ўзбекистонда 2023 йилнинг олти ойида 12 нафар судья лавозимидан озод қилиниб, ваколатлари муддатидан илгари тугатилган эди.