Тошкентнинг бешта тумани ҳудудига 14 сентябрь куни табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” матбуот хизмати хабар берди.
Қайд этилишича, таъмирлаш ишлари туфайли Яшнобод, Мирзо Улуғбек, Яккасарой, Чилонзор ва Учтепа туманларининг айрим ҳудудларига табиий газ етказиб бериш вақтинча тўхтатилади.
Яшнобод тумани Фарғона йўли кўчаси (соат 10:00 дан 17:00 га қадар):
- аҳоли хонадонлари сони – 65 та;
- улгуржи истеъмолчилар сони – 8 та.
Яккасарой тумани Бобур ва Бўрижар кўчалари (соат 10:00 дан 17:00 га қадар):
- аҳоли хонадонлари сони – 778 та;
- улгуржи истеъмолчилар сони – 22 та.
Мирзо Улуғбек тумани Бунёдкор ва Ватан кўчалари (соат 10:00 дан 17:00 га қадар):
- аҳоли хонадонлари сони – 147 та;
- улгуржи истеъмолчилар сони – 2 та.
Чилонзор тумани “Чўпон ота” маҳалласи (соат 10:00 дан 18:00 га қадар):
- аҳоли хонадонлари сони – 320 та;
- улгуржи истеъмолчилар сони – 10 та.
Учтепа тумани “Guzar”, “Кўҳна Чўпон ота” ва “Боғистон” маҳаллари (соат 10:00 дан 18:00 га қадар):
- аҳоли хонадонлари сони – 3200 та;
- улгуржи истеъмолчилар сони – 23 та.
Таъкидланишича, таъмирлаш ишлари тугатилгандан сўнг, табиий газ таъминоти қайта тикланади.
Шунингдек, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш, куз-қиш мавсумига пухта тайёргарлик кўриш мақсадида эртага, 14 сентябрь куни қуйидаги манзилларда электр таъминоти вақтинча ўчирилади:
- Миробод тумани — “Фаровон” МФЙнинг айрим кўчаларида соат 09:00 дан 16:00 гача.
Аввалроқ Ўзбекистоннинг уч вилоятида 1 миллиард сўмдан ортиқ электр энергиясидан ноқонуний фойдаланиш ҳолатлари аниқлангани тўғрисида хабар берилганди.
Изоҳ (0)