Ота-оналар ва ўқитувчиларимиздан ўқиш муҳим ва усиз яхши маошли ишга кириш қийинлигини бир неча бор эшитганмиз. Бунда қандайдир ҳақиқат бор, чунки кўпчилик фақат истеъдод билангина муваффақиятга эришолмайди. Аммо қуйидаги юлдузлар бунинг аксини аллақачон исботлаган.
Николь Кидман
“Катта юмилган кўзлар билан”, “Мулен Руж!”, “Бошқалар” фильмлари юлдузи Австралия қизлар мактабида астойдил ўқиган, онаси уни вокал ва балет дарсларига олиб борган.
Бироқ онаси саратон касаллигига чалинганидан кейин Николь мактаб ва тўгаракларга боролмай қолади. Чунки у онасига қараши керак эди, онасининг ундан бошқа ҳеч кими бўлмаган.
Бўш вақтларида Николь массажчига ёрдамчи сифатида ишлай бошлайди, кейинчалик киносиновларга қатнашади — 22 ёшида қиз фильмдаги илк ролини ўйнайди.
Хоакин Феникс
Феникс оиласи “Худонинг болалари” диний сектасига мансуб бўлиб, Жанубий Америкага саёҳат қилишади. Феникслар Хоакин тўрт ёшга тўлганда сектадан кетишади ва оиланинг тақдири кескин ўзгаради.
Ота-онаси фарзандларига ҳаётнинг бошқа томонини ҳам кўрсатиш учун болаларини реклама агентлигига юборишга қарор қилади — шундан сўнг улар доимий равишда суратга тушиб, рекламаларда рол ўйнашади ва мактабга деярли боришмайди. Шу сабабли “Joker” фильми юлдузи бир амаллаб тўққизинчи синфни тугатади ва актёрлик санъатини эгаллашга киришади.
Тимати
Тимати мактабни тугатиб, дастлаб ота-онасининг хоҳиш-истагига кўра Олий иқтисодиёт мактабининг молия факультетига ўқишга киради, аммо олти ойдан сўнг ўқишни ташлаб кетади. Айни ўша пайтда Тимати Жиган, Паша, Богдан Титомир ва бошқа мусиқачилар билан учрашади ва улар билан ижод қилишни бошлайди.
Квентин Тарантино
Дунёга машҳур режиссёрнинг ўзи ўқишни истамайди ва онасидан мактабга бормаслик учун рухсат сўрайди. Онаси бунга рухсат беради, фақат битта шарт билан — у иш топиш керак эди.
Кейин 15 ёшли Квентин кинотеатрда кассир бўлиб ишга киради; бўш вақтларида Жеймс Бест билан актёрлик дарсларида қатнашади ва бир оздан кейин фильмлар прокатида ярим кунлик сменада ишлайди. Бу ерда режиссёрлик маҳоратини чуқур ўрганади.
Рианна
Umbrella ва Monster хитлари ижрочиси камбағал оилада ўсган, шунинг учун мактаб йилларида кийим-кечак дўконида ярим кунлик сменада ишлаган.
16 ёшида Рианна Def Jam Recordings овоз ёзиш студияси билан шартнома имзолаш учун мактабни ташлайди. Рианна синфдошларининг айтишича, у ҳар доим ўқиш ва карьера ёнма-ён турганда иккинчисини танлаган.
Жонни Депп
“Кариб денгизи қароқчилари” актёри ёшлигидан юлдуз бўлишни орзу қилган, аммо унинг меҳри кинога эмас, балки рок мусиқасига тушган. Кейин у Rock City Angels гуруҳига қўшилади. Шунинг учун мактабни ташлаб, улар билан кунлар давомида машқ қилади.
Ўтказиб юборилган дарслар, бажарилмаган вазифалар ва қониқарсиз баҳолар уни қизиқтирмаган. Жонни 15 ёшидан бошлаб мусиқа чалишни ва актёрлик сабоқларини олишни бошлайди.
Изоҳ (0)