Британиянинг Госпорт шаҳрида полициячи Гарриет Тейлор жиноятчига етиб олиш учун Жек исмли болакайдан болалар велосипедини олиб турди. Бу ҳақда полиция бўлими ижтимоий тармоқлардаги саҳифасида маълум қилди, деб ёзмоқда “Правила жизни” нашри.
Ҳодиса 9 сентябрь куни кечқурун содир бўлган. Полициячи аёл 47 ёшли жиноятчини қувган, бироқ унга ета олмаслигини тушуниб етган ва яқин атрофда бўлган болакайдан велосипедини бир муддатга бериб туришини сўраган. Жек исмли болакай бу ҳолатдан бир оз ҳайратланган ва велосипедини беришга рози бўлган.
Видеода Гарриeтнинг болакайдан узоқлашиб, жиноятчини таъқиб қилаётган пайтда жилмайганини кўриш мумкин.
Натижада аёл полициячи ўғирлик ва дўконни ўғирлашда гумонланувчи шахсни ушлашга ва қўлга олишга муваффақ бўлган. Шундан сўнг Гарриeт велосипедни болага қайтариб берган ва полиция машинасини керак бўлганда бир муддат олиб туриши мумкинлигини айтиб ҳазиллашган.
Изоҳ (0)