Нигерияда мамлакатнинг деярли бутун аҳолиси — 200 миллиондан ортиқ одам электр энергиясисиз қолди. Бу ҳақда BBC хабар берди.
Энергетика компаниялари бу “тизимнинг тўлиқ қулаши” эканини маълум қилди. Мамлакатда электр энергияси ишлаб чиқариш нолга тушди. Кейинчалик бу қисман тикланди, лекин нормадан анча пастлади. Мазкур ҳодиса Нигериянинг барча 36 штатида ва мамлакат пойтахти Абужада содир бўлган.
Мамлакатда мунтазам равишда электр узилишлари кузатилади. Бу 2022 йилда тўрт марта қайд этилган. Шу билан бирга, Нигерия энергия ресурсларининг асосий ишлаб чиқарувчиси ҳисобланади. У ОПЕК аъзоси бўлиб, дунёдаги энг йирик нефть захираларига эга 10 та давлатдан бири ҳисобланади.
Изоҳ (0)