Шимолий Корея етакчиси Ким Чен Ин россиялик ҳамкасби Владимир Путин билан учрашувда Россия “ушбу муқаддас урушда ёвузлик устидан ғалаба қозонишини” айтди. Бу ҳақда Reuters хабар берди.
“Россия армияси ва халқи гегемонликка даъво қилаётган ва экспансионистик иллюзияларга эга бўлган буюк ёвузликни жазолаш учун олиб борилаётган муқаддас курашда, албатта, катта ғалаба қозонади”, — деди Ким.
У Путиннинг саломатлиги, “буюк Россия ғалабаси”, Корея—Россия дўстлиги ва йиғилганларнинг саломатлиги учун қадаҳ кўтаришдан олдин шундай нутқ сўзлади.
Расмий тушлик чоғида Путин “Россия ва КХДР ўртасидаги дўстликни мустаҳкамлаш, мамлакатлар халқларининг фаровонлиги ҳамда ўртоқ Ким саломатлиги учун” қадаҳ кўтарди.
Ким Чен Иннинг Россияга ташрифи
13 сентябрь куни Шимолий Корея етакчиси Ким Чен Ин Путин билан музокаралар олиб бориш учун Россияга келди. Кремль раҳбари ўз ҳамкасбини космодромга олиб бориб, унга ракеталарни кўрсатди.
Россия Шимолий Кореядан 122 ва 152 миллиметрли артиллерия снарядлари, шунингдек, 122 миллиметрли ракеталарни олишга қизиқиш билдирмоқда.
Ўз навбатида, Пхеньян снарядлар учун тўлов эвазига Россиянинг ядровий сувости кемаларини қуриш технологиялари ва сунъий йўлдошларни учириш учун космик технологияларни олишга умид қилмоқда.
Изоҳ (0)