Россия бир йил ичида Украинага Shahed-136/131 русумли икки мингдан ортиқ ҳужумчи дронлари учирган. Бу ҳақда Украина қуруқликдаги кучлари хабар берди.
“Россия Украина ҳудудига 2000 дан ортиқ Shahed типидаги ҳужумчи дронлари учирган. Биринчи Эрон дрони Украина Қуролли кучлари томонидан роппа-роса бир йил аввал — 2022 йил 13 сентябрда уриб туширилган”, — дейилади хабарда.
Бу йил ўртача ҳисобда рус ҳарбийлари Украина бўйлаб кунига 5,5 та Shahed учирган. Ушбу камикадзе дронларининг умумий қиймати, турли ҳисоб-китобларга кўра, 40 дан 100 миллион долларгача ва бу 200-500 минг россияликнинг ўртача пенсиясига тенгдир.
Эслатиб ўтамиз, 13 сентябрга ўтар кечаси Россия қўшинлари Одесса ва Суми вилоятларига бир неча дронлар билан ҳужум қилди. Кейинроқ Украина ҳаво кучлари 44 та дрондан 32 тасини уриб туширганини маълум қилди.
Изоҳ (0)