Мексика Конгрессида “ўзга сайёраликлар”га тегишли бўлган иккита жасад намойиш қилинди. Бу ҳақда Euronews хабар берди.
Журналист ва номаълум учар жисмлар тадқиқотчиси Хейми Маусанга кўра, жасад намуналари минг йилликдан ошади ва Перунинг Куско шаҳрида топилган. Маусан томонидан ташкил этилган тегишли тадбир АҚШ расмийлари ва Мексика ҳукумати аъзоларининг эътиборини тортган. Оммавий муҳокамада Маусан “НУЖлар ва номаълум аномалиялар”нинг бир нечта видеоларини кўрсатган ва ўзга сайёраликлар деб тахмин қилинган жасадларни намойиш қилган.
Унинг сўзларига кўра, улар конлардан топилган, диатом сувўтлари билан ўралган ва кейинчалик тошга айланган.
Мексика миллий автоном университети (UNАМ) олимлари ушбу намуналарни ўрганиб чиққан ва радиокарбонларни аниқлаш ёрдамида ДНК далилларини олишга муваффақ бўлган. Одамларники билан солиштирганда ДНКнинг 30 фоиздан ортиғи “номаълум” экани аниқланган. “Ўзга сайёраликлар”нинг қўллари уч бармоқли, бўйни чўзилган, бош суяги узун. Уларнинг тишлари йўқ эди ва суяклари эса қушларники каби енгил экани айтилмоқда.
Шуни таъкидлаш жоизки, Хейми Маусаннинг аввалги НУЖ бўйича кашфиётлари сохта бўлиб чиққан. Мисол учун, 2017 йилда у аслида инсон болалари ҳисобланган бешта мумиёни намойиш қилган.
Изоҳ (0)