Мали Республикасида Су-25 қирувчи самолёти ҳалокатга учради. Бундай ҳалокат сўнгги бир йил ичида иккинчи марта содир бўлиши.
Defense Express хабарига кўра, самолёт 9 сентябрь куни мамлакат шимоли-шарқида қулаган. Қирувчи самолётнинг ҳалокатини мамлакат ҳарбий-ҳаво кучлари тасдиқлади.
Ҳарбий ҳаво кучлари штаб бошлиғи полковник Алоу Бой Диарранинг таъкидлашича, Су-25 қирувчи самолёти “техник хато” ва “ёмон об-ҳаво” туфайли ҳалокатга учраган. Бироқ маҳаллий исёнчилар самолётни уриб туширганликларини даъво қилмоқда.
Defense Express маълумотларига кўра, Мали ушбу Су-25 ни Россиядан шу йилнинг январь ойида Ми-8 вертолётлари ва Чехиянинг Л-39 жанговар ўқув самолётлари билан бирга олган.
Шуниси эътиборга лойиқки, бу Россия Малига етказиб берган иккинчи Су-25 самолётининг ҳалокатга учраши бўлиб, аввалгиси 2022 йил августида етказиб берилган, бироқ ўша йилнинг октябрь ойи бошида самолёт Гаодаги аэропортга қулаганди.
Изоҳ (0)