Машҳурлар ҳам баъзида ўзини бошқа касб вакили сифатида синаб кўради. Кимдир бу ишни мартаба, кимлардир шунчаки ўйин-кулги учун қилади. Машҳурлар орасида турли хил кафелар, снекбарлар, қаҳвахоналар ва бошқа овқатланиш жойларида ишлаб кўрганлари ҳам бор. Қуйида шу ҳақда маълумот берилади.
Эд Ширан
Қовоқ ва зираворлар қўшиб тайёрланаган латтени севиб истеъмол қилувчи Эд Ширан яқинда Сиэтлга борди ва ичимликнинг 20 йиллигини нишонлаш учун Starbucks’да ярим сменада ишлади. У қаҳва юбилейида яна бир муҳим воқеа — Autumn Variations альбомининг яқинлашиб келаётган премьерасини ўтказди. Ширан тарқатган ҳар бир стаканда мухлислар “Куз келмоқда” деган ёзувни ва альбомни олдиндан буюртма қилиш саҳифасига олиб борадиган QR-кодини кўришлари мумкин эди.
Қаҳвахона ходимлари ва у ерга ташриф буюрган инсонлар хонанданинг хизмат кўрсатганидан хурсанд бўлган.
Бундан бир неча ҳафта олдин Ширан The Wieners Circle’да ҳот-дог сотган.
Ариана Гранде
Ширандан фарқли ўлароқ, Гранде 3 йил давомида янги альбом чиқармади. Унинг ҳаёти фақатгина мусиқа билан боғлиқ эмас, актриса фильмларда суратга тушади, шахсий ҳаётидаги қийинчиликларни енгиб ўтади ёки бизнес билан шуғулланади. Сўнгги пайтларда хонанда ўзининг косметика брендини тарғиб қилишга эътибор қаратди. Янги коллекциянинг чиқарилиши муносабати билан Ариана Sweetener Shoppe музқаймоқ кафесининг очилишига вақт ажратди, хонанда ташриф буюрувчиларга буюртмаларни шахсан етказиб берган.
Музқаймоқ кафеси Нью-Йоркда очилган. Хонанда барчага қўллаб-қувватлаганликлари учун миннатдорчилик билдириб, тез орада мухлисларини ҳайратда қолдиришга ваъда берган.
Лана Дел Рей
Баъзи мухлислар унинг туғилган кунидан кўра кўпроқ саҳнага қайтишини кутишган. Хонанда 3 йилдан ортиқ вақт давомида ҳеч қандай чиқиш қилмади, бироқ шу йилнинг май ойи охирида Лана Бразилиядаги фестивалда иштирок этди. Дел Рей у ерда ўзининг энг машҳур тароналарини куйлади ва ўзини Мерилин Монро қиёфасида синаб кўрди. Орадан икки ой ўтгач, у Алабамадаги кафега официант бўлиб ишга кирди.
Хонанда фақат бир кун: формалар, буюртмалар, столларни тозалаш, қаҳва тайёрлаш, мижозлар билан мулоқот қилиш имкониятига эга бўлган. У ерга ташриф буюрган кўплаб инсонлар хонанда билан суратга тушишга муваффақ бўлган.
“Бу сюрреал эди. Мен унинг мусиқасини ва у қилаётган ҳамма нарсани қанчалик ёқтиришимни айтдим. У жуда ёқимтой ва ўзгача эди”, — дейди хонанданинг мухлиси.
Женнифер Лопес ва Бен Аффлек
2023 йилнинг январь ойига келиб, жуфтлик барча тўй таътиллари ва асал ойини якунлади, аммо оилавий ҳаётни яна ширин қилиш йўлини топишди. Женнифер ва Бен Dunkin’ Donuts қаҳвахоналари рекламасига таклиф қилинди. Бен бу таклифга рози бўлди, сабаби у ушбу қаҳвахонанинг мухлиси эди ва Женнифер турмуш ўртоғини бу борада қўллаб-қувватлади. Видео яхши чиқиши учун жуфтлик қаҳвахонада ишлаши керак эди.
“Мен реклама ролигини яратишда фаол иштирок этдим, чунки ўзим сценарий ёзганман, режиссёр ва бош рол ижрочиси бўлганман” — дейди актёр.
Эминем
Рэпер икки йил аввал Детройтда емакхона очган эди. У бу ном ҳақида узоқ ўйламади ва кириш жойига Mom’s Spagetti ёзувини осиб қўйди. Муассаса очилишига 7 соат қолганида инсонлар навбатга туришни бошлади. Хонанданинг ўнта мухлиси кумири билан учрашиш имкониятига эга бўлди, Эминемнинг ўзи уларга буюртмаларини тақдим этди.
Менюда атиги учта: “Онамнинг спагеттиси”, “Онамнинг фрикаделкали спагеттиси” ва “Спагетти-сендвич” номли таомлар бор эди.
Гейтен Матаратсо
“Ажабтовур ишлар” лойиҳаси юлдузи бир сменадан ортиқ официант бўлиб ишлаган. 2020 йилда 17 ёшли Матаратсо пандемия даврида ишсиз қолиб, Ню-Жерси штатидаги Лонг-Бич оролидаги кафега ишга жойлашди. У машҳур сериалнинг уч фаслида суратга тушганидан кейин пулга деярли муҳтож эмас эди. Яхшиямки, карантин бекор қилинди, суратга олиш ишлари давом эттирилди, Гейтен бизнесга қайтди.
Изоҳ (0)