Америкалик миллиардер Илон Маск АҚШни аслида Жо Байден бошқармаслигини айтди. У тегишли фикрни ўзининг Х саҳифасида билдирди.
Миллиардернинг сўзларига кўра, ҳақиқий президенти Байден эмас, балки унинг телесуфлёрини бошқарадиган одамдир. Шу тариқа Маск республикачи Боб Маккоббнинг Байденни ким назорат қилса, у узоқ вақтдан бери импичментга лойиқ, деган гапига жавоб берди.
“Ҳақиқий президент телесуфлёрни бошқарадиган одамдир”, — деб ёзади миллиардер.
Аввалроқ Илон Маск 2024 йилги сайловларда АҚШ президентлиги учун курашадиган номзодларнинг барчасини ўз платформасига таклиф қилганди. 80 ёшли Байден иккинчи муддатга президентликка сайланиш учун курашиб кўрмоқчи.
“Мен ҳаммадан кўра кўпроқ бу иш билан шуғулланганман, сизнинг ёрдамингиз билан буни давом эттирмоқчиман”, — деган у.
АҚШ президенти Жо Байден ёши ўтган сайин танқидчилар нима дейишидан қатъи назар, унинг донолиги ортиб бораётганини айтган.
“Гапимни эшитинг. Баъзилар Байден қарияпти, деб айтишмоқда. Мени сизга айтадиган гапим шуки, ёш ўтиши билан бирга инсоннинг донолиги ҳам ортиб боради”, — деди у меҳнат байрами муносабати билан Филаделфия шаҳридаги касаба уюшмалари олдида сўзлаган нутқида.
Изоҳ (0)