АҚШ президенти Жо Байден “Глобал Жануб” давлатларини Хитойдан узоқлаштиришга интилмоқда ва шу мақсадда Ҳиндистонда бошланадиган G20 саммитидан фойдаланмоқчи.
Фореигн Полиcй нашрининг ёзишича, АҚШ Хитой ҳамкорларига мамлакат сўнгги йилларда илгари сураётган глобал “Бир камар, бир йўл” ташаббусига ўзининг муқобил вариантини таклиф қилмоқчи.
Нашрнинг қайд этишича, Байден Ҳиндистонга бир кун аввал – биринчилардан бўлиб келган ва саммитда Хитой етакчиси Си Цзиньпин ҳам, Россия президенти Владимир Путин ҳам йўқлигидан фойдаланишга ҳаракат қилмоқда.
АҚШ президенти зудлик билан Хитойнинг ривожланаётган мамлакатлардаги таъсирига қарши G20 таклифларини эълон қила бошлади.
Хусусан, у ривожланаётган мамлакатларга қарзларини тўлашда яхшироқ ёрдам бериш учун Жаҳон банки ва Халқаро валюта жамғармасини (ХВЖ) янада ривожлантириш режаларини эълон қилди.
“Эҳтиёж кўламидан келиб чиқиб, шунингдек, Хитой “Бир камар, бир йўл” ташаббуси орқали мажбурий ва барқарор бўлмаган кредитлаш жараёнини олиб бораётганини инобатга олган ҳолда, биз мамлакатлар дуч келаётган муаммоларни ҳал қилиш учун юқори стандартли, юқори самарали ечимлар мавжудлигини таъминлашимиз керак”, — деди АҚШ Миллий хавфсизлик бўйича маслаҳатчи Жейк Салливан.
Изоҳ (0)