Тошкентдаги АҚШ элчихонаси Green Card ғолибларига огоҳлантириш билан чиқди.
Унда дунё бўйлаб Green Card дастури учун белгиланган йиллик 55 мингта виза сони яқин кунларда якунига етиши мумкинлиги маълум қилинган. Белгиланган лимит тугаса, барча АҚШ элчихоналари DV дастури бўйича визаларни бошқа тақдим эта олмайди.
Тошкентда сентябрь ойида бўлажак виза суҳбати куни белгиланган мурожаатчилар виза ололмасликлари мумкин.
“Виза учун талаб этилган ҳужжатлари мавжуд эмаслигидан хабардор мурожаатчилар виза суҳбатига келишдан (ва қайтариб берилмайдиган виза тўловини амалга оширишдан) аввал ўйлаб кўришларини сўраймиз. Чунки виза бўйича мурожаатни кўриб чиқиб, уни якунлаш учун етарлича вақт қолмаслиги мумкин”, — дейилади элчихона хабарда.
Қайд этилишича, элчихона дунё бўйлаб белгиланган виза сонлари чеклови қамраб олингунга қадар DV визаларини тақдим этишни давом эттиради. Бугунги кунга келиб 3100 дан ортиқ мурожаатчилар билан суҳбат олиб борилган.
2024 йилги Green Card натижалари 2023 йил май ойида эълон қилинганди. Август ойининг ўрталарида Тошкентдаги АҚШ элчихонаси виза суҳбати вақтида сохта ҳужжатларни тақдим этиш, виза учун бир умрлик чеклов олишга сабаб бўлиши мумкинлиги ҳақида огоҳлантирган.
Изоҳ (0)