Россия ҳарбийлари Донецк вилоятининг Константиновка шаҳридаги бозорга авиазарба берди. Ҳужум оқибатида камида 16 киши ҳалок бўлди. Бу ҳақда Meduza хабар берди.
Россия кучлари ҳужум пайти қандай қуролдан фойдалангани аниқлаштирилмоқда. Украина президенти Владимир Зеленский қурбонлар ва жароҳатланганлар сони ортиши мумкинлигини айтмоқда.
“Ҳозирги вақтда россиялик террорчилар артиллерияси Донецк вилоятининг Константиновка шаҳрида 16 кишини ўлдирди. Оддий бозор. Дўконлар. Дорихона. Айби йўқ одамлар. Яраланганлар сони кўп. Афсуски, ҳалок бўлганлар ва жароҳатланганлар сони ҳали ҳам ортиши мумкин”, — деди Зеленский ўзининг Telegram-каналидаги мурожаатида.
Константиновканинг ўққа тутилиши оқибатида ҳалок бўлганлар орасида бир бола ҳам бор. Украина бош вазири Денис Шмигал жароҳатланганлар сони 20 нафарга етганини айтмоқда.
Сўнгги маълумотга кўра, ҳужум оқибатида 16 киши ҳалок бўлган, 28 киши яраланган. Жароҳатланганлар орасида қутқарувчи ҳам бор. Ҳозиргача 300 квадрат метр майдонда ёнғин ўчирилган. 30 га яқин савдо павилонлари шикастланган.
Изоҳ (0)