Самарқанд шаҳрида 7—8 сентябрь кунлари бўлиб ўтадиган Озиқ-овқат хавфсизлигига бағишланган халқаро конференцияга ташриф буюрган Италия қишлоқ хўжалиги вазири Франческо Лоллобрижи икки мамлакат ўрасидаги алоқалар хусусида ўз фикрларини билдирди.
“Италия тез ривожланаётган давлатар сирасига кирувчи Ўзбекистонга ёрдам беришдан мамнун. Биз Марказий Осиёда қулай географик жойлашувга эга Ўзбекистонни жуда муҳим шерик деб ҳисоблаймиз.
Бир неча ой аввал мамлакатлар ўртасида бўлиб ўтган учрашувда қишлоқ хўжалиги, чорва моллари ва илмий йўналишда алоқаларимизни яна ҳам мустаҳкамлаш борасида келишувларга эришдик.
Ўзбекистоннинг бой тарихи, чуқур маданияти ва ўзига хос урф-одатлари бор. Мазкур жиҳатлар келажакада икки мамлакат ўртасида алоқаларни янада кучайтиришда асос бўлади, деган умиддамиз”, — деди Франческо Лоллобрижи.
Маълумот учун, халқаро конференцияда иштирок этиш учун дунёнинг 32 та мамлакатидан 2 минг 330 нафар хорижий эксперт анжуман доирасида глобал ўзгаришлар борасидаги ўз фикр-мулоҳазалари билан ўртоқлашади.
Конференциядан қишлоқ хўжалиги экинларини етиштириш ва қайта ишлаш дастурларини ишлаб чиқиш, тўғридан тўғри ўзаро етказиб беришнинг келишилган схемаларини шакллантириш, озиқ-овқат хавфсизлигини таъминлаш масаласининг барча соҳалари ўрин олган.
Изоҳ (0)