Венгрия яна бир бор Украинани НАТОга қабул қилмаслик борасида шов-шувли баёнот берди. Бу ҳақда Hirado хабар берди.
Тегишли баёнот Венгрия бош вазири канселярияси раҳбари Гергелий Гуляш томонидан эълон қилинган.
“Украинани қўллаб-қувватлаётган Ғарб дунёси Россияга хавфсизлик кафолатларини бериши керак, бироқ украиналиклар ҳеч қандай ҳолатда НАТО аъзолигига қабул қилинмаслиги керак”, — деди у.
Венгрия расмийсига кўра, тинчликпарвар кучларнинг киритилиши ва бошқа шунга ўхшаш қарорлар узоқ муддатда Украинада тинчликни таъминлай олади. У Украина энди Россия томонидан босиб олинган ҳудудларни қайтариб олмаслигини айтди.
Бундан ташқари, Гуляш Украина ва Россия ўртасида самарали музокаралар фақат АҚШ иштирокида бўлиши мумкинлигини билдирди. У Россия Марказий Европага таҳдид солмаслиги, чунки Россия сўнгги бир ярим йил ичида Украинада “тез ва ажойиб натижаларга эриша олмагани”ни қайд этди.
Изоҳ (0)