Украина президенти Владимир Зеленский уруш пайтида 2024 йилда сайловлар ўтказилса, президентликка яна ўз номзодини қўйишини айтди. Бу ҳақда РТП хабар берди.
“2024 йилда уруш давом этса, сайловлар ўтказилса, ҳеч қачон ўз давлатимни ташлаб қўймайман. Чунки мен Конституциянинг кафолатиман ва ҳар қандай ҳолатда ҳам уни ҳимоя қиламан”, — деди Украина президенти.
2019 йилги сайловлар олдидан Зеленский бор-йўғи битта президентлик муддати учун номзодини қўйишини ва иккинчи марта қатнашмаслигини ваъда қилганди.
Украинада навбатдаги парламент сайловлари 2023 йилнинг кузида, президентлик сайловлари эса 2024 йилнинг мартида бўлиб ўтиши керак эди. Бироқ Украина Конституцияси мамлакатда ҳарбий ҳолат жорий қилинган тақдирда сайлов ўтказишни тақиқлайди.
Изоҳ (0)