Қирғизистон Маданият вазирлиги мамлакатда TikTok’ни блоклашга қарор қилди. Бунга “TikTok ижтимоий тармоғининг болалар ақлий ривожланиши ва соғлиғига салбий таъсири ҳақидаги хавотирлар” сабаб бўлган.
Қайд этилишича, ижтимоий тармоқнинг болаларга зарари ҳақида нодавлат нотижорат ташкилотлари томонидан кўплаб мурожаатлар келиб тушган. Хавотирларга кўра, TikTok “ўз фойдаланувчиларини қисқа роликларнинг виртуал оламига тортади, уларни кўргандан сўнг ўсмирлар маълум видеоларни такрорлашга уринади, уларнинг баъзилари ҳаёт учун хавфли”.
“Кўплаб мурожаатларни инобатга олган ҳолда ва ўтказилган мониторинг асосида Маданият, ахборот, спорт ва ёшлар сиёсати вазирлиги Қирғизистон республикаси ҳудудида TikTok сервисини тўхтатишга қарор қилди”, — дейилади вазирлик хабарида.
Қарор кейинги ижро учун Рақамли ривожланиш вазирлигига юборилади.
Аввал Қозоғистон депутатлари ўсмирларга TikTok’дан фойдаланишни тақиқлаш таклифи билан чиққан эди.
Изоҳ (0)