АҚШ 23 август куни авиаҳалокатда ҳалок бўлган “Вагнер” раҳбари Евгений Пригожиннинг ўлими ҳақида баёнот берди. Бу ҳақда “Америка овози”нинг рус хизмати хабар берди.
Оқ уй матбуот котиби Карин Жан-Пьер Пригожиннинг ўлимида Кремль масъул эканини илгари сурди.
“Барчамиз биламизки, Кремль ўз рақибларини ўлдириш одати бор. Нима бўлгани аниқ”, — деди у.
АҚШ президенти Жо Байден ҳам ушбу ҳодисада Россия президентининг роли бўлиши мумкинлигини айтганди.
“Нима бўлганини аниқ билмайман. Лекин ҳайрон эмасман. Россияда ортида Путин турмаган ишлар камдан кам бўлади. Жавоб бериш учун менда етарли маълумот йўқ”, — деган у.
Кейинроқ Байден АҚШ Пригожин учаётган самолётнинг ҳалокатга учраганини аниқлашга интилаётганини таъкидлади.
Путиннинг матбуот котиби Дмитрий Песков эса Пригожиннинг ўлими ортида Кремль тургани мумкинлиги ҳақидаги баёнотларни “мутлақо ёлғон” деб атади.
Пригожин авиаҳалокати
Евгений Пригожин 23 август куни Москвадан Санкт-Петербургга учаётган шахсий самолёти Тверь вилоятида қулаши оқибатида ҳалок бўлди.
У билан бирга унинг “Вагнер”даги сафдошлари ҳам ўлди. Самолёт ҳалокатига айнан нима сабаб бўлгани ҳақида турли хил версиялар мавжуд: бортдаги портлашдан тортиб ракета ҳужумигача.
Пригожиннинг дафн маросими 29 август куни “ёпиқ форматда” Санкт-Петербургдаги “Пороховскоэ” қабристонида бўлиб ўтди. Видолашув маросимида 30 нафаргача одам иштирок этди, фақат яқинлар ва қариндошлари. “Вагнер” раҳбари отасининг қабри ёнига дафн этилган.
Изоҳ (0)