Таниқли британиялик хонанда Адель Лас-Вегасдаги концерти вақтида ҳушидан кетди, деб ёзмоқда Page Siх.
Хонанда қўшиқ куйлаётганида ўзини ёмон ҳис қилган, шунинг учун бир оз тин олиб, саҳна ортига йўл олган. Созандалар уни ерда ҳушсиз ётган ҳолда топган. 35 ёшли қўшиқчига тез ёрдам кўрсатилган, шундан сўнг у чиқишини давом эттирган.
“Улар мени полдан кўтариб турғизишди”, — деган хонанда тингловчилари қаршисига чиққанида.
Хонанданинг ҳушдан кетишига у узоқ вақтдан бери азият чекиб келадиган ишиас касаллиги сабаб бўлган.
Ўтган шоусида хонанда ушбу касаллиги ҳақида эслаган эди.
“Энди менга саҳнанинг нариги томонига етиб бориш учун ёрдамчилар талаб этилади. Бундан ташқари юрганимда ҳам тебраниб юришга тўғри келади, чунки менда кучли ишиас аниқланди”, — деган эди хонанда.
Ишиас — бел-думғаза радикулити — қуймич нерви касаллиги. Кўпинча совқотиш, жисмоний зўриқиш, турли инфекциялар ва шикастланишлар, моддалар алмашинувининг бузилиши сабаб бўлади.
Изоҳ (0)