Россия Тергов қўмитаси “Вагнер” раҳбари Евгений Пригожин самолёти қулаган жойда 10 кишининг жасад ва қора қутиларни аниқлади. Бу ҳақда “НTB” хабар берди.
Дастлабки тергов ҳаракатлари давомида ҳалокат жойидан 10 кишининг жасади топилган. Уларнинг шахсини аниқлаш учун молекуляр-генетик экспертиза ўтказилмоқда.
Текширув давомида парвозни қайд қилувчи қурилмалар (қора қутилар) аниқланган, воқеа жойини батафсил текшириш давом этмоқда, ҳалокатнинг барча ҳолатларини аниқлаш учун муҳим бўлган ашёлар ва ҳужжатлар олинган.
“Воқеаларнинг барча мумкин бўлган версиялари синчковлик билан текширилади”, — дейди Россия Тергов қўмитаси.
Пригожин самолёти ҳалокати
Россиянинг Тверь вилоятида 23 август куни “Вагнер” раҳбари Евгений Пиргожинга тегишли самолёт ҳалокатга учради, бортдаги 10 кишининг бари ҳалок бўлди. Самолёт йўловчилари орасида Пригожин бўлгани маълум қилинди, аммо унинг ўлими тасдиқланмади.
Россия президенти Владимир Путин ва Чеченистон раҳбари Рамзан Қодиров унинг оиласига ҳамдардлик билдирди.
“Мен Пригожинни жуда узоқ вақтдан бери: 1990 йилларнинг бошидан бери танийман. У тақдири мураккаб, ҳаётда жиддий хатоларга йўл қўйган одам эди. Керакли натижаларга эришди. У иқтидорли инсон, иқтидорли тадбиркор эди. Нафақат мамлакатимизда балки чет элда, хусусан, Африкада ҳам фаол ишлади. У ерда нефть, газ, қимматбаҳо металлар ва тошлар билан шуғулланган”, — деган Путин.
Песков “Вагнер” раҳбарининг ўлимига Путин алоқадорлигини рад этди. Тегишли фикрни Беларусь раҳбари Александ Лукашенко ҳам илгари сурди. У Пригожин ундан хавфсизлик кафолатлари сўрамагани ва “Вагнер” Беларусда қолишини айтди.
Украина президенти Владимир Зеленский ҳам воқеага муносабат билдирди ва Украинанинг бунга алоқадорлигини рад этди. У авиаҳалокат ортида ким турганини ҳамма тушунишини айтди.
Изоҳ (0)